деп хабарлайды министрліктің баспасөз қызметі.
Отырыс барысында тараптар көлік және коммуникация саласындағы қазақ-қытай ынтымақтастығының даму динамикасына оң баға берді. Сондай-ақ, жолаушылар мен багажды және Қазақстан мен Қытай арасындағы жүктерді автомобильмен халықаралық тасымалдауды жүзеге асыру бойынша ағымдағы жағдайы туралы өз ойларымен бөлісті.
Тараптар автомобиль көлігі саласындағы автокөлік құралдарының салмақтық және габариттік параметрлерін бірыңғайландыру, 2012 жылғы арналған рұқсат беру бланктерімен алмасу квоталарын орнату, жолаушылар мен багажды және жүктерді тасымалдауды жүзеге асыру тәртібін анықтау, азаматтық авиация саласында ынтымақтастық мәселелерін қарады.
Сонымен қатар, екі жақтың автотасымалдаушыларына визаларды рәсімдеу және беру, сондай-ақ, «Хоргос» халықаралық шекаралық ынтымақтастық орталығы арқылы көлік құралдарының қозғалысына бақылау тәртібі секілді өзекті мәселелері талқыланды.
Отырыстың қорытындысы бойынша хаттамаға қол қою жоспарлануда.
