«Талаптарға сай келмейтін «Көмек» ЖШС сұранымын кері қайтарудың орнына «Қазселденқорғау» конкурстық комиссиясы олармен Есентай және Үлкен Алматы өзендерінің арналарын жөндеу және қалпына келтіру жұмыстарын жүргізуге келісім жасасқан», — деп хабарлады баспасөз қызметі.
Баспасөз қызметінің ақпаратына сүйенсек, Үлкен Алматы өзенінің арнасын тұрақтандыру бойынша ағымдық жөндеу және қалпына келтіру жұмыстарын жүргізуге республикалық бюджеттен 18,5 млн теңге, Есентай өзеніне 10,8 млн теңге, ал Медеу шатқалындағы селден қорғайтын бөген жұмыстарына 1 млн теңге бөлінген.
«Табиғат қорғау шараларына және Алматы қаласындағы экологиялық ахуалды жақсарту үшін бөлінген қаражаттың жұмсалу барысын тексеру барысында осы мемлекеттік мекемедегі мемлекеттік сатып алу процедурасы ҚР «Сыбайлас жемқорлық туралы» заңын бұза отырып жүргізілгені анықталды», — деп хабарлады Бас прокуратура.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
