Бұл туралы Caravan.kz медиа порталы Newtimes.kz-ке сілтеме жасап хабарлайды.
«Менің сенім білдірушім өзіне келтірілген моральдық зиянды 3 миллион теңгеге бағалап отыр. Бұл — блогердің көпшілікке жайып салған айыптауларының, сондай-ақ оның кәсіби маман және адам ретінде көрген қысымдарының салдары,» — деді адвокат Аржан Сәдуақас.
Оның айтуынша, блогер әлеуметтік желілерде Нұршатты «алаяқ» деп атап, «хайп» жасады деп айыптаған, бұл талап қоюшы тараптың пікірінше, жол берілмейтін және сол ақпарат тарату арналарында жария түрде теріске шығаруды талап етеді.
«Біз блогердің сот отырыстарына жеке қатысуын талап етеміз, өйткені бұл жерде тек парыз ғана емес, ар-намыс, абырой мен іскерлік беделді қорғау туралы сөз болып отыр,» — деп атап өтті адвокат.
Кондитер моральдық өтемақыдан бөлек, 500 мың теңгені қайтаруды талап етіп отыр — бұл тапсырыспен жасалған 18 келілік торттың қалған ақшасы. Онцң жалпы құны 600 мың болса, соның 100 мыңы ғана төленген.
«Торт 20 күн дайындалды, онда қымбат ингредиенттер мен тапсырыс берушінің блогының тақырыбын білдіретін құрақ көрпе оюы бар жастықтар түріндегі күрделі дизайн қолданылды,» — деп нақтылады Сәдуақас.
Адвокаттың айтуынша, жұмыс барысында блогер дизайн мен көлемге үш рет өзгеріс енгізіп, соның салдарынан бағасы қымбаттаған. Барлық өзгерістер хат алмасуда құжатталған. Соңғы сома 1 тамызда тортты тапсыру кезінде айтылды.
«Блогердің қатаң мәлімдемелерінен кейін менің сенім білдірушім тапсырыстан бас тарта бастады, оның эмоционалдық жағдайы күрт нашарлады — психологиялық бұзылу белгілері пайда болды, ол тұйықталып қалды. Мұны куәгер болуға дайын жақындары да растайды. Жанжалға дейін олардың арасында сенімді және жұмыс қарым-қатынасы болған, бірақ оқиғадан кейін Нұршат өз құқығын сот арқылы қорғау туралы шешім қабылдады. Біздің ойымызша, болған оқиға ауыр бедел мен моральдық шығынға әкелді, олар заң бойынша өтелуге жатады,» — деп атап өтті адвокат Аржан Сәдуақас.
