Спорттың алты түрі бокс, грек-рим, еркін, дзюдо және қазақ күресінен, сондай-ақ, таэквондодан сайысқа түскен әр өңір спортшылары өзара кіл мықтыларды анықтады.
Енді осы спорт түрлері бойынша қай облыс спортшылары жеңімпаз болғанына тоқталайық.
Бокс:
Бокстан Оңтүстік Қазақстан облысының былғары қолғап шеберлері топ жарды. Олар финалда Маңғыстау облысының командасын 7:3 есебімен ұтып, Конфедерация кубогының иегері атанды.
Грек-рим күресі:
Грек-рим күресі бойынша Алматы облысы бас жүлдені жеңіп алды. Олар финалда Қарағанды облысының спортшыларын 5:3 есебімен қапы қалдырды.
Еркін күрес:
Еркін күрестен Алматы облысының балуандары Конфедерация кубогын қанжығаларына байлады. Олар финалда Шығыс Қазақстан облыстарының балуандарымен 4:4 есебімен тең түскен болатын. Алайда, ұйымдастырушылар тең нәтиженің жеңімпаздарын екі облыстан келген балуандардың күресу мәнері мен әдіс жасау сапасы бойынша бағалап, 42:40 есебімен Алматы облысының балуандарын үздік деп тапты.
Дзюдо:
Дзюдо күресінен Қарағанды облысының балуандары мықты екендерін дәлелдеді. Олар финалда Ақтөбе облысының балуандарын 4:1 есебімен ойсырата жеңді.
Таэквондо:
Таэквондо спорты бойынша Алматы қаласының спортшылары үздік екенін мойындатты. Олар финалда Алматы облысынан келген қарсыластарын 72:42 есебімен ұтып, Конфедерация кубогын қанжығаларына байлады.
Қазақ күресі:
Конфедерация кубогына биыл тұңғыш рет қосылған қазақ күресінен «Алматы қаласының спорт клубы» жеңімпаз атанды. Олар финалда «Қарағанды облысының спорт клубы» 5:3 есебімен ұтып, жеңімпаз атанды.
Осылайша спорттың 6 түрінен өткен Конфедерация Кубогы өзара мықтыларды анықтады. Спорттың әр түрінен жеңімпаз атанған командаларға 25 миллион теңгеден қаржылай сыйақы табысталды.
