Көршісіне былапыт сөздер айтқан ОҚО тұрғыны 3 тәулікке қамалды

«Қазығұрт аудандық сотында  Қазақстан Республикасы ӘҚБтК-нің 434- бабы 2-бөлігінде көрсетілген іс қаралды.

Іс бойынша, құқық бұзушы С.С. бұрын Қазақстан Республикасы ӘҚБтК-нің 330-бабы 1-бөлігінде көрсетілген құқық бұзушылықты жасағаны үшін 3 айлық есеп көрсеткіш мөлшерінде, яғни 5 556 теңге  айыппұл түріндегі әкімшілік жауапкершілікке тартылғандығына қарамастан, көршісі У.Е.-ге ар-намысына тиетін сөздер айтып, былапыт сөйлеп, қоғамдық тәртіпті бір жыл ішінде қайталап бұзған.

Қазығұрт аудандық сотының қаулысымен құқық бұзушы Қазақстан Республикасы ӘҚБтК-нің 434-бабы 2-бөлігінде көрсетілген құқық бұзушылықты жасағаны үшін кінәлі деп танылып, ол  осы баппен 3 (үш) тәулік мерзімге әкімшілік қамауға алынды», — деп жазылған хабарламада.