Айта өтейік, бұл оның "ән ұрлады" деп бірінші рет сөзге қалуы емес, деп хабарлайды Caravan.kz медиа-порталы.
Әнші жаңа шыққан "Керексің" әнінің авторы қырғыз азаматы Нұрлан Нәсіп деп көрсеткен. Алайда, желідегі жұрт "Қырғыз да, қазақ та емес. Ол Игорь Николаевтың 20 жыл бұрын шыққан "Пять причин" атты әні" дейді.
Сондай-ақ, "Көшіре салмай өзгертіп, кішкене еңбектенуге болады ғой" деген сынды пікірлер жазуда.
Еске салайық, Әбдіжаппар Әлқожаның "Ұрланған ән" атты әні бар. Әннің "Кінәлай алмайды мені ешкім. Шетелден ән алған мен ғана емеспін… Осыдан кейін ән ұрламаймын", деген жолдары бар еді.
