Бұл туралы Үкімет басшысы өз баяндамасында айтты, деп хабарлайды Caravan.kz медиа порталы.
Өз кезегінде өндірушілер кәсіпорындарды технологиялық жаңғырту, өнімнің сапасын және жергілікті өндіріс көлемін арттыру, еңбек жағдайын жақсарту бойынша міндеттемелер алуда.
Мысалы автомобиль өндірушілердің локализациялауды биыл 30%-ға дейін, ал 2027 жылға қарай 50%-ға дейін арттыу бойынша міндеттемелер белгіленеді.
«Биыл екі ірі автомобиль зауытын, атап айтқанда Қостанай облысы мен Алматы қаласында жалпы өндірістік қуаттары жылына 160 мың автокөлікті құрайтын KIA және мультибрендті зауыттарын іске қосамыз», — деді Олжас Бектенов.
Баяндамада өткен жылы сырттан келетін тракторлар мен комбайндарды субсидиялаудан бас тарту себебі айтылды. Яғни, бұл осыған дейін Қазақстанда өз зауыттарын ашқан шетелдік ауыл шаруғашылығы техникасын өндірушілер үшін тиімді болмақ.
Прьемер-министр мұны Үкіметтің кеңейтілген отырысында ерекше атап өтті.
Мәселен, Петропавлдағы Class неміс концерінің зауытына жасалған тапсырыс көлемі 2 есеге өсті. Бүгінде басқа да ауылшаруашылығы техникаларын өндірушілер Қазақстанда өндірістерін локализациялауды бастады.
Электровоздар мен локомотивтер өндірісінде Alstom және Wabtec зауыттары елеулі технологиялық жетістіктерге қол жеткізді.
Өткен жылы Атырау облысында құны 350 млн доллар, ал жылдық қуаты 6 мың вагонды құрайтын зауыт іске қосылды. Биыл Астанадағы Stadler зауыты алғашқы 50 жолаушылар вагонын шығаруды бастайды.