Күн райын болжаушылар еліміздің солтүстік бөлігінде күн суытады деп хабарлайды

"Қазгидромет" РМК-ның мәліметі бойынша, 1-қыркүйек күні түнде республиканың солтүстік аймақтарында күн суытады. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Күн райын болжаушылардың хабарлауынша, Ақмола және Солтүстік Қазақстан облыстарында кей жерлерде сынап бағанасы 0-2 градусқа дейін төмендейді.

Аталмыш аймақтардың төтенше жағдайлар жөніндегі басқармаларына адам өліміне жол бермеуге шара қолдану тапсырылды.