Курчатовта "Қазақстандағы ядролық энергетика саласы-2005" атты конференция өтеді

31-мамыр, сейсенбіде Шығыс Қазақстан облысының Курчатов қаласында "Қазақстандағы ядролық энергетика саласы-2005" атты халықаралық ғылыми-тәжірибелік конференция басталады. Бұл туралы KZ-today тілшісіне Қазақстанның ядролық қоғамынан хабарлады.

Конференция барысында Қазақстандағы ядролық өнеркәсіп пен ядролық энергетика саласының қазіргі ахуалы мен келешегі, ядролық реакторлардың қауіпсіздігі негіздері, ядролық қондырғыларды эксплуатациядан шығару, ядролық сынақтардың залал-зардабын зерттеу және жою, ядролық материалдар таратпау мәселелері талқыланады.

Конференцияны ҚР энергетика және минералды ресурстар министрлігі, Ұлттық ядролық орталық, Атом энергетикасы жөніндегі комитеті, «Қазатомөнеркәсібі» ҰАК, Қазақстанның ядролық қоғамы ұйымдастырды.
Конференция 3-маусымға дейін созылады.