Бұл туралы Caravan.kz медиа порталы Kazinform.kz-ке сілтеме жасап хабарлайды.
ҚХР Азаматтық істер министрлігінің мәліметінше, 2024 жылдың алғашқы үш тоқсанында 4,75 млн неке тіркелген, бұл бір жыл бұрынғыдан 943 мыңға аз.
Бұл ретте, ведомствоның мәліметінше, 2024 жылдың осы кезеңінде ажырасу саны 1,967 млн болды.
Қытайдағы халық санының азаюы аясында ҚХР Мемлекеттік кеңесі 28 қазанда «Тууды ынталандыру туралы» циркуляр жариялады.
Биылғы жылдың 10 қазаны мен 30 қарашасы аралығында Қытайда халық санының өзгеруін анықтау үшін халық арасында іріктемелік демографиялық зерттеу жүргізіліп отыр.
ҚХР Бас статистикалық басқармасын (БСБ) келесі параметрлер қызықтырады: азаматтың жасы, жынысы, білім деңгейі, жұмыспен қамтылуы, отбасы жағдайы, балалардың болуы.
Қытай халқының саны екінші жыл қатарынан азайып келеді. 2023 жылы Қытай халқының саны 2,08 млн адамға азайып, 1,409 млрд болды.