Судья істі Шәріповтің пайдасына шешті, деп хабарлайды Stan.kz ақпарат агенттігі.
«Сот ақтап шықты. Жұма мүбәрак! Берекелi күн, мен үшiн. Баршаңызға Аллаһ разы болсын. Қазақ қыздарының ары үшiн соттан бiр-ақ шығам деп кiм ойлаған? 3 айға созылған сот өз мәресiне жеттi. Сот менi: ешқандай жеке басқа өткен жоқ, ешкiмнiң абыройына нұқсан келтiрген жоқ. Ол тек өз ойын айтты деп ақтады.
Заңды түрде әдiл шешiм шығарған Есiл аудандық №2 сотының судьясы Тобағалиұлына алғысымды бiлдiремiн. Әдiлдiк бар екенiне сенiңiздер! Менi уайымдағандарыңыз үшiн бәрiңiздi жақсы көремiн!» — деп жазды ол.
Естеріңізге сала кетсек, осы уақытқа дейін Ләйлә Сұлтанқызының танымал журналист пен әзілкешті сотқа бергені туралы хабарлаған едік. Осы жағдайға қатысты Арман Сқабылұлы пікір білдірген болатын.
