Жарыс ережесіне сәйкес кубоктың қазіргі иегері саналатын Шымкенттің «Ордабасы» командасы мен ақтық сында өнер көрсеткен Қостанайдың «Тобыл» командасы оған келесі кезеңде қосылады.
Қазақстан футбол федерациясының сайтында жарияланған хабарламаға қарағанда, іріктеу сайыс 16 мамырда өтеді. Онда «Ақ Бұлақ» пен «Болат АМТ», «ЦСКА» мен «Байтерек», «Қызылжар» мен «Тараз», «Іле-Сәулет» пен «Оқжетпес», «Каспий» мен «Ақжайық», «Ақтөбе-Жас» пен «Қайсар», «БИIK» пен «Ақтөбе», «Лашын»мен «Сұнқар», «Спартак» пен «Шахтер», «Восток» пен «Жетісу», «Астана-1964» пен «Астана», «Қайрат Академия» мен «Атырау», «Екібастұз» бен «Ертіс», «Қыран» мен «Қайрат» өзара сайысқа түседі. Олардың 14-і Премьер-Лигадан, 14-і Бірінші лигадан. Жалпы бұл додада астаналық қос команда күш сынасады. Іріктеу сынында жеңіске жеткендер ғана жарыстың келесі кезеңіне өтеді.
