Латвия әуе компаниясының ұшағы Ақтөбе әуежайына қонуға мәжбүр болды, оқыс оқиғадан зардап шеккен ешкім жоқ

6-қаңтарда 23 сағат 47 минутта "ВИП Авиа Латвия" әуе компаниясының Алматы-Рига бағытында рейске шыққан "ХС-25Б" ұшағы Ақтөбе әуежайына қонуға мәжбүр болды. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Ұшақ бортында экипаждың үш мүшесі- Ұлыбритания азаматтары болған. Оқыс оқиғадан зардап шеккен ешкім жоқ.

Ұшақтың мәжбүрлі қонуына ұшқыштар кабинасындағы герметикалық жағдайдың бұзылуы себепкер болған.