Лондон-2012: Д.Шабанбай Олимпиада «қола» медалінен қағылды

Лондонда өтіп жатқан ХХХ жазғы Олимпиада ойындарында еркін күрес шебері Дәулет Шабанбай «қола» медаль үшін жұбаныш белдесуінде мексикалық Флорес Руиспен күресіп, екінші кезеңде таза жеңіске жеткен болатын. Ал қола үшін белдесу біздің спортшыға ауыр тиді. Бірінші кезеңде орыс палуанынан 5:0 есебімен басым түскен Дәулет келесі екі кезеңде 0:6 есебімен ұтылып қалды.

1983 жылы дүниеге келген Дәулет Шабанбай 120 келі салмақ санатында жарыс жолына шықты. Павлодар облысының атынан өнер көрсететін ол Қазақстанның төрт дүркін чемпионы, Азияның екі дүркін жүлдегері.