Луанда шетелдіктер үшін әлемдегі ең қымбат қала болып қалуда

Анголаның астанасы Луанда қаласы шетелдіктер үшін осымен екінші жыл қатарынан ең қымбат қала болып қалуда, ал Мәскеу қаласы әлемдегі төртінші және Еуропадағы бірінші қымбат қала, делінген Mercer Human Resource Consulting зерттеуінде.

2010 жылға дейін Мәскеу бұл рейтингте бірнеше жыл бойы бірінші орында болған еді.

Биылғы жылы қымбат қала ретінде екінші орында Токио, үшінші орында Нджамена (Чад), бесінші орында Женева қаласы тқр. Бірінші бестікте еш өзгеріс болмады.
Сингапур он бірінші орыннан сегізінші орынға ығысты.
Mercer зерттеуіне сәйкес, шетелдіктер үшін ең арзан қала Карачи (Пәкістан) қаласы.