Осымен қазақстандық боксшы нокауттар саны бойынша Майк Тайсонның рекордын жаңартты.
«Геннадий Головкин ешкімнен қорықпайды. Бұл психологиялық қысым жасау факторы. Бұл спортшы жайлы мәлімет аз. Оған қарамастан, Головкин аты аңызға айналған тұлға»,-дейді Майк Тайсон.
Аты аңызға айналған Тайсонның осындай пікір айтуы бекер емес. 33 кездесуінің 20-сын қатарынан техникалық нокаутпен аяқтаған Головкин әйгілі Тайсонның жеңістер рекордын жаңартып отыр. Жерлесіміз болса, жеткен жетістігіне тоқмейілсіп отырған жоқ. Кезекті кездесуі аяқталмай жатып, кейінгі қарсыласын іздеуге кіріскен. Мүмкін деген үміткерлердің арасында бірінші орта салмақтағы әлем чемпионы мексикалық Сауль Альварес бар. Қазір ауызша келісім жасалып қойылған, деп хабарлайды 24.kz.
