«Мамма мия» - талантты бойжеткендерді іздеуде!

Сахнаға шығып, жұлдыз атанғың келсе, КТК-ға кел! Арнамыздың «Мамма мия» жобасы 2-ші маусымын бастайды. Желтоқсанның 15-і мен 18-і аралығында талантты бойжеткендер үшін кастинг жарияланып отыр.

Айта кетейік, аталмыш жоба арнамызда биыл ғана бастау алған болатын. Іріктеуден өткен 16 бойжеткен аналарымен қоса біраз сынға түсіп, қызықты сәттерді бастан өткерген еді. Дәлірек айтсақ, «Мамма мия» реалити-шоу форматында болғандықтан аналары қауіпті аймаққа түскен әнші қыздары үшін бәрін жасауға тырысып бақты. 1-ші маусым финалы ойдағыдай Түркияда қорытындыланып, 1 жарым млн теңге жеңімпаз Роза Саметоваға бұйырды. Ал 2-ші маусым одан да ауқымды болады деп күтеді шығармашылық топ. Іріктеу КТК арнасында өтетінін айта кетейік. 

Наталья Крылова, КТК телеарнасы Бағдарламалар дирекциясының директоры:

- Шын мәнінде «Мамма мия» жобасы көрермендер көңілінен осыншама орын алады деп күтпедік. Міне, «жүзден жүйрік» қыздарымызды іріктеп финалда құттықтағанымыз кеше ғана еді, енді бүгін 2-ші маусымды бастағалы отырмыз. Байқауға қызығушылық танытқандар болса, толық ақпаратты сайттан біле аласыздар!