Маңғыстау облысындағы "Өзен-Атырау-Самара" мұнай құбырынан мұнай төгілді

Маңғыстау облысы Бейнеу ауданында, "Өзен-Атырау-Самара" мұнай құбырының 326-шақырымында 1-ақпанда жерге мұнай төгіліп қалды. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Баспасөз қызметінің ақпаратына сәйкес, төтенше жағдайды жоюға «Қазтрансойл» компаниясы «Бейнеу» желілік-өндірістік диспетчерлік қызметінің апаттан қалпына келтіру бөлімінің 30 адамы мен 2 техникасы жұмылдырылды.

Қазір құбырдың бүліну сипаты, төгілген мұнай дағының көлемі мен мұнай мөлшері және топырақты қалпына келтіру жұмыстары туралы ешқандай нақты ақпарат жоқ.