Маңғыстау облыстық көпбейінді ауруханасы баспасөз қызметінің хабарлауынша, науқасты кезекші хирург, травматолог пен реаниматолог дәрігерлер тексеріп, зертханалық анализдерін қарап, шұғыл түрде операция жасаған, деп хабарлайды Caravan.kz медиа порталы Kazinform-ға сілтеме жасап.
— Науқастың диафрагма мен бауыры, ішкі қабырғалары, өкпе тіндері зақымдалған. Қол-аяқтың жоғарғы және төменгі бөлігі бірнеше рет пышақталған. Науқастың аяғы ауыр, жүктілігі — 10 апта.
Қазір науқастың жағдайы — тұрақты ауыр. Есін біледі. Гемодинамикасы тұрақты. Жансақтау бөлімінде емделіп жатыр, — дейді аурухананың баспасөз хатшысы Жұлдыз Қалиева.
Оқиға Мұнайлы ауданы Маңғыстау ауылындағы супермаркеттердің бірінің алдында болған.
Полиция күдіктінің ұсталып, қамауға алынғанын хабарлады. Сондай-ақ кісі өлтіруге оқталу фактісі бойынша қылмыстық іс қозғалған.
Ал басқа ақпарат тергеу мүддесі үшін жария етілмейді.