Мәселен, бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар еткеніндей, 19-20-қыркүйекте Мәскеуде Біртұтас экономикалық кеңістікті қалыптастыру жөніндегі келісімге біріккен елдер мен ЕурАЗЭҚ елдері аясында Кедендік одақ құру жөніндегі реттеу құжаттарына жасалған салыстырмалы талдауды талқылау жөніндегі жұмыс тобының отырысы өтеді.
Сондай-ақ, қыркүйектің 21-і мен 22-сі күндері Мәскеуде ЕурАзЭҚ-тың Тұрақты өкілдері комиссиясының 40-шы отырысы болатынын да мәлімдеді. Бұл комиссияның отырысында кедендік бақылау, сақтандыру және техникалық реттеу салаларындағы бірлескен іс-қимылға қатысты мәселелер сөз болып, ЕурАзЭҚ-тың 2007 жылға арналған бюджетінің жобасы мен ағымдағы іс-қызметі талқыланады деп күтілуде.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті