Женевада өткен баспасөз мәслихатында ӘДҰ екі жылдың ішінде ішімдіктерді асыра пайдалануға қарсы күреске бағытталған халықаралық стратегиясын дайындайтыны жөніндегі қарарын ұсынды. Бұл қарар 24 мамырда аяқталған Әлемдік денсаулық сақтау ассамблеясының 61 сессиясы кезінде мақұлданды.
Ұйымның мәліметінше, ішімдіктерді асыра пайдалану психоневрологиялық және тағы да басқа жұқпалы емес аурулардың пайда болу тәуекелін тудырады, соның ішінде жүрек қан тамырларының аурулары, бауыр циррозы, түрлі рак дерттері бар.
ӘДҰ берген анықтамасы бойынша «зиянды ішімдікті тұтыну» тізіміне бірнеше аспектілер кіреді. Оған белгілі бір уақыт ішінде ішілген көлем, ішімдіктердің сапасы мен оны ішудің жиілілігі, оның құрамында зиянды метанол затының болуы кіреді.
Ішімдіктермен күрес стратегиясы алдағы екі жылдың ішінде келісіліп, 2010 жылы Әлемдік денсаулық сақтау ассамблеясының мақұлдануына беріледі.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
