Бұл жайында бүгін Астанада өтіп жатқан бокстан 4 елдің жолдастық кездесуі алдындағы баспасөз мәжілісінде айтылды, деп хабарлайды BAQ.KZ.
«АИБА шешімі бойынша 1 маусымнан бастап барлық жарыстар шлемсіз өткізілетін болады. Бұл бокстың сәнін келтіреді»,- деді Әзербайжан құрамасының бас бапкері Владимир Золоторев.
Украинаның бапкері Дмитрий Сосновский болса, жарақаттар шлем киіп ойнаса да болатындығын айтады. «Кәсіпқой боксшылар шлемсіз 12 раунд жұдырықтасады және жарақат аз. Әуесқойда небәрі 3 раунд. Жарақаттар бұрында да болатын, одан қорқудың қажеті жоқ»,- деді ол.
Айта кетейік, былтырғы жылдың караша айында өткен Қазақстан біріншілігі шлемсіз өткен еді. Кездесулердің тартысты әрі қызық болғанын көрермендер де, бапкерлер де мойындап отыр.
