Мәжіліс 2005-жылғы республикалық бюджет туралы заң жобасын қыркүйектің аяғында қарайды

Бүгін, 24-қыркүйекте мәжіліс бюросының отырысында палата төрағасы Жармахан Тұяқбайдың бастамасымен 2005-жылғы республикалық бюджет туралы заң жобасы мен "Мүлікті легализациялауға байланысты рахымшылық жасау туралы"

заң жобасын палатаның қарауына 29-қыркүйекте ұсыну туралы шешім қабылданды. Бұл туралы KZ-today тілшісіне мәжілістің баспасөз қызметінен хабарлады.

Төменгі палатаның қарауына депутаттар мен үкіметтен келіп түскен заң жобалары бойынша басқарушы комитеттерді айқындаған бюро Жер Кодексінің күшіне енуіне байланысты субарендаға қатысты бірқатар заңнамалық мәселелерді қарады.
Төрағаның ұсынысымен талқыланған мәселелер қажет болған жағдайда депутаттық түзетулер жобасын жасау үшін салалық комитеттерде пысықталатын болды.