Кездесуге «IB Интернационалдық Одағының» бөлімше меңгерушісі Урзула Шаде, аталған одақтың орталық басқармасындағы халықаралық жобалар үйлестірушісі Даниела Кеесс, одақтың әлеуметтік кеңесшісі Ирина Мюллер және «Жұлдыз» балалар қоғамдық ұйымдары одағы қоғамдық бірлестігінің президенті Елена Дмитриенко қатысты. Жүздесу барысында Мәжіліс депутаты меймандарды балалар мен жасөспірімдерге мемлекет тарапынан жасалып жатқан әлеуметтік қамқорлықтарды талдап, заңнамалармен таныстырып өтті.
Сонымен қатар, Тараптар екі жақтың ынтымақтастық байланыстар мен бірлесіп атқарылатын істердің нақты бағытын айқындады.
«Жұлдыз» балалар қоғамдық ұйымдары одағы қоғамдық бірлестігі жастарға патриоттық, рухани-жағымды тәрбие берудің азаматтық институты болып табылады. Жастардың азамат болып қалыптасуы мен қиын балалардың әлеуметтік жағдайының өзекті мәселелерін шешу жолындағы қажетті тәжірибелерді үйрену мақсатында әртүрлі отандық және шет елдік балалар қоғамдарымен серіктестік қатынас орнатып, жетілдіріп отырады. Аталған халықаралық байланыстар шеңберінде герман федералдық қызметі өкілдерінің 23-29 маусым аралығында іскерлік кездесулері өткізілуде.