Мәжіліс депутаты В.Киянский Оралдағы Зачаган кенттік округі мәселелерімен танысты

Аталмыш кенттің инфрақұрылымы тез дамып келеді, халқы да көбеюде. Мұнда қазір 34231 адам тұрады. Зачаган кенттік округінің әкімі Құрманғали Байғаржановтың айтуынша, кент жолдарын көктем кезінде су шаймас үшін Сарытау шағынауданында асфальт төселген дамба салынуда. Сондай-ақ сегіз көшеге қатқыл табанды жол төселмек. Мұндағы жол құрылысына республикалық бюджеттен 1,5 млрд. теңге бөлінген. Мәжіліс депутаты ауылды одан әрі абаттандыру, ПИК жұмысын жолға қою, Жайық пен Шағанның қиылысар тұсын жайландыру сынды өзекті жайларға назар аударды.