Мәжіліс Қазақстанды халықаралық әуе қатынастарындағы транзит жөніндегі келісімге біріктіруді мақұлдады

Заң жобасын депутаттарға таныстырған ҚР көлік және коммуникация министрінің орынбасары Ерлан Қошанов «келісім халықаралық тұрақты әуе тасымалын дамытуға септігін тигізеді» деп атап өтті.

Оның айтуынша, «келісімнің ережелері азаматтық авиацияның қауіпсіздігіне бағытталған тараптардың кез-келген әрекетіне шектеу қоймайды». «Келісуші мемлекет екінші елдің авиакәсіпорны кәсіпорын заң бұзған немесе келісімдегі міндеттемелерін орындамаған жағдайда рұқсат бермеу немесе берілген рұқсатты қуатсыз ету құқығына ие болмақ»,- деді Е.Қошанов.
Құжат ережелеріне сәйкес, «келісуші жақтар келесі тарапқа өз аумағы арқылы қонбай ұшып өтуге, коммерциялық емес мақсатпен қонуға артықшылық береді».
Заң жобасы сенаттың талқысына ұсынылды.