“Бұрынғы жылдармен салыстырғанда барлық дерлік бюджеттік бағдарламалардың әкімшіліктері бойынша республикалық бюджеттің орындалу жайы жақсара түскен”,- делінген мәжілістің қаржы және бюджет жөніндегі комитетінің қорытындысында.
Дегенмен, салалық комитет бірқатар кемшіліктердің бетін ашты. Атап айтсақ, “бюджеттік жоспарлау сапасы жақсармай отыр, бюджеттің кіріс бөлігінің салық түсімдеріне жыл бойғы тәуелділігі (корпоративтік кіріс салығының 60-65 проценті ІҮ тоқсанда түседі) сақталуда, сондай-ақ, дивидендтер бойынша болжамдық көрсеткіштер төмендетіліп көрсетілген”.
Қорытындыда атап көрсетілгеніндей, “2005-жылы экономикада алаңдаушылық туғызатын ағымдар байқалды. Атап айтсақ, өнеркәсіп өнімінің өсім қарқыны 2004-жылғы 110,4 проценттен 2005-жылы 104,6 процентке дейін төмендеді”.
