Мәжілісте жер ресурстарын тиімді пайдалану мәселесі бойынша Үкімет сағаты өтеді

Мәжілістің баспасөз қызметінің хабарлауынша, Үкімет сағаты барысында депутаттар алдында Қазақстан Республикасы Жер ресурстарын басқару агенттігінің төрағасы Қадырхан Отаров баяндама жасайды деп күтілуде. Бұдан бөлек, осы күні Экономикалық реформа және өңірлік даму комитетінде «Қазақстан Республикасының мемлекеттік қызмет мәселелерi бойынша кейбір заңнамалық актілерге өзгерiстер мен толықтырулар енгiзу туралы» заң жобасының таныстырылымын өткізеді. Онда Қазақстан Республикасы Мемлекеттiк қызмет iстерi агенттiгiнiң төрағасы Әлихан Бәйменовтың заң жобасы бойынша баяндама жасайтыны жоспарланған. Заң жобасы бойынша жұмыс тобының жетекшісі депутат Серікжан Қанаев.