Мәжілістің жаңа жылдағы бірінші жалпы отырысы 7-қаңтарда өтеді

Мәжіліс аппаратының баспасөз қызметінен KZ-today тілшісіне хабарлағанындай, жалпы отырыстың күн тәртібіне шығарылатын заң жобаларының арасында «Йод тапшылығына қатысты аурулардың алдын алу туралы » ҚР заңына өзгерістер мен толықтырулар енгізу туралы» , «Қазақстан даму банкі туралы» ҚР заңына өзгерістер мен толықтырулар енгізу туралы», «ҚР халықты еңбекпен қамту туралы» заңына өзгерістер мен толықтырулар енгізу туралы» заң жобалары бар. Сондай-ақ, палатаның жалпы отырысында «Азаматтық, отбасылық және қылмыстық істер бойынша құқықтық қарым-қатынастар және құқықтық көмек жайындағы Конвенцияны бекіту туралы», «Орта Азиялық ынтымақтастық» ұйымын құру туралы Қазақстан Республикасы, Қырғызстан Республикасы, Тәжікстан және Өзбекстан Республикалары арасындағы келісімді бекіту туралы» заң жобалары талқыланады.