Бұл шешім Меккедегі Аль-Харам мешітіндегі көтергіш-кранның құлауына байланысты шығарылды. Оқиға салдарынан 100-ден астам адам қаза тапты.
Әлемдегі басты және ең ірі мешітті қайта жаңарту, кеңейту жұмыстарын Saudi Binladin Group компаниясы жүргізгені туралы бұған дейін хабарланған болатын.
Жергілікті БАҚ-қа сүйенсек, Сауд Арабиясының Корольдік соты сейсенбіде компанияға тергеу аяқталғанға дейін жаңа келісімшарттарға қол қоюға тыйым салды. Бұдан басқа, сот елдің қаржы министрлігіне компанияның барлық жобаларына аудит жүргізуге нұсқама беріп, Бен Ладен әулетінің кей мүшелерінен елден сыртқа шықпау туралы қолхат алды.
Сондай-ақ, сот зардап шеккен отбасыларға 1 миллион риал (270 мың долларға жуық) өтемақы төлеуге қаулы етті.