-Сіздің сапарыңыз біздің елдеріміз арасындағы екіжақты қарым-қатынастарды дамытуға қосылған үлкен үлес болатынына сенімдімін. Біз фармацевтика, туризм, мұнай-газ өнеркәсібі, құрылыс салалары сияқты бағыттарда ынтымақтасуға дайынбыз. Қазақстандық инвестиция үшін біздің есігіміз ашық,-деді Иво Санадер кездесудің ашылуында.
Мемлекет басшысы Хорватия мен Қазақстан экономикасы өрлеу үстінде екенін, сондықтан да екіжақты ынтымақтастықты мейлінше кеңейту қажеттігін атап өтті.
-Қазіргі таңда Қазақстан инвестицияны импорттамайды, экспорттайды және кеңестік кезеңнен қалған кеңістіктегі ірі инвестор болып табылады. Қазақстандық компаниялар Хорватия экономикасының жекешелендіру процессіне қатысуға дайын,- деді Қазақстан президенті.
Мемлекет басшысы Хорватия премьер-министрін Қазақстанға келуге шақырды және бұл шақыру ілтипатпен қабыл алынды.
-Мен Қазақстан экономикасының өркендеуіне таңданамын. Бұл тәжірибе Хорватия үшін өте маңызды,-деді Иво Санадер.
