Мемлекет басшысы Нұрсұлтан Назарбаев Мәскеуге іссапармен барады

Бұл туралы бүгін ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті. «19 желтоқсанда Қазақстан Президенті Мәскеуге іссапармен аттанады. Іссапар аясында Мемлекет басшысы Ұжымдық қауіпсіздік туралы шарт ұйымы Ұжымдық қауіпсіздік кеңесінің отырысына қатысады»,-деді ресми өкіл. Оның сөзіне қарағанда, отырыс барысында Ұйымға мүше мемлекеттер халықаралық қауіпсіздік және мемлекетаралық ынтымақтастықты нығайту мәселелерін талқылайды. Бұдан бөлек, Н. Назарбаев Мемлекет басшылары деңгейіндегі мемлекетаралық Еуразиялық экономикалық қауымдастығы кеңесінің Мәскеуде өтетін отырысына да қатысады деп күтілуде.