Мемлекет басшысы Ту-154 ұшағының апатына байланысты Ресей президентіне көңіл айтты

АСТАНА. 23-тамыз. Kazakhstan Today. Мемлекет басшысы Нұрсұлтан Назарбаев Ресей Федерациясының президенті Владимир Путинге Донецк маңында болған "ТУ-154" жолаушылар ұшағының апатынан адамдардың қаза болуына байланысты көңіл айтты, деп хабарлады Kazakhstan Today тілшісіне президенттің баспасөз қызметінен.

— Қазақстан халқының және өзімнің атымнан қаза болғандардың туысқандары мен жақындарына көңіл айтуымды және қайғысын бөлісуімді жеткізуіңізді сұраймын, — делінген жеделхатта.