«Грузия, Абхазия мен Оңтүстік Осетияға қатысты мәселе бойынша жаңадан алып-қосар ештеңе жоқ. Қазақстанның ұстанымы баршаға аян. Грузияның бірінші болып шабуыл жасағанына мен куәгермін», -деді Н. Назарбаев осы жөніндегі алғашқы ақпараттар пайда болған кезде Пекинде РФ үкімет басшысы Владимир Путинмен бірге болғанын еске сала келе.
«Бұл жерде оқиғаға біржақты баға берілді деген пікірдемін», — деді Қазақстан президенті.
«Қазақстан — Ресейдің стратегиялық серіктесі, көршісі және одақтасы, тиісінше біз Ресейдің әрекеттеріне түсіністікпен қараймыз», — деді ол.
«Біз сонымен бірге Латвияның ұстанымын да түсінеміз… біз өз пікірімізді білдірдік және мемлекеттердің аумақтық тұтастығы мен сепаратизмді жақтамау тұрғысында Қазақстанның ұстанымы тұрақты болып қала береді деп тағы бір рет атап өтеміз», — деп мәлімдеді Н.Назарбаев.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті