Орталығы Монғолияда болған қуатты антициклон ықпалымен демалыс күндері еліміздің көптеген облыстарында жауын-шашынсыз ауа райын сақталды. Әрі, ауа температурасы шеткі оңтүстік аудандардан басқа аймақтарда қалыптыдан 3-9º жоғары болды. Ал оңтүстік аймақтарда температура қалыпты температурадан 1-3º төмен болды, деп хабарлайды «Қазгидромет» РМК.
Алдағы тәуліктерде бұл антициклонның әсері сақталады. Бірақ Волга маңында қалыптасқан циклон Қазақстан арқылы солтүстік-шығысқа жылжи бастайды. Соның салдарынан алдымен батыста, содан соң мереке күндері — 16-17 желтоқсанда еліміздің қалған аймақтарында қар жаууы, көктайғақ болып, кей жерлерде желдің 15-25 м/с күшеюі және бұрқасын соғуы күтіледі.
Күндіз ауа температурасы бұрынғыдай 0º шамасында болады, ол осы кезеңге тән орташа көпжылғы мәннен жоғары.
