Жарияланды: 3100

Меруерт Түсіпбаева: Келінді үй қызметшісі етіп қоятындарға таңғаламын

Меруерт Түсіпбаева: Келінді үй қызметшісі етіп қоятындарға таңғаламын

Шоу-бизнестегі даулы әншілердің бірі Меруерт Түсіпбаева болашақта келінімен бірге тұрғысы келмейтінін айтты. Түсіпбаева баласының бақыты үшін келінімен алыстан сыйласуға әзір екенін жасырмады. Бұдан өзге, әнші жаңа түскен келіннен тегін қызметші жасап алатындарға таңғалатынын жеткізді.

Бұл туралы Hit-TV арнасына сілтеме жасап Stan.kz хабарлайды.

«Балам бақытты болса болды. Мен онымен тұрмаймын. Құдай қаласа, баланың үйі бөлек, бар. Бірақ өзімнің жоспарым келініммен бірге тұрмаймын ешқашан. Сол алыстан сыйласып: «Ой, келдіңдер ма? Жақсы екен. Мен сендерге мынаны дайындап едім», – деп… Немесе өздері шақырса ғана барып. Солай ғана. Шетелге демалысқа бірге шығып, алыстан сыйласқым келеді.

Кейбіреулер мен келін алдым, тегін «домработница» пайда болды деп ойлайды. Мен таңғаламын. Келін деген біреудің қызы ғой еркелеп өскен. Ол сенің үйіңе келіп, неге үй қызметшісі боп кетуі керек? Бұл қазақтың әдеті ма әлде ата-бабалырымыздың салты ма? Мен қатты таңғаламын. Мен ондайға бармаймын», – деді ағынан жарылып әнші.

Пікір қалдырыңыз

Пікір қалдыру тіркелген пайдаланушылар ғана мүмкін