Минскіде ТМД аясында ақпараттық қауіпсіздікті қамтамасыз ету жөніндегі тұжырымдаманың жобасын келісу жөніндегі сарапшы топтың отырысы өтеді

Тұжырымдама мен кешенді шаралар жоспары осыдан бұрынырақ қабылданған ТМД шеңберінде ақпараттық кеңістік құру жөніндегі тұжырымдама мен ақпараттық саладағы мемлекетаралық ынтымақтастыққа қатысты басқа да құжаттарды дамыту арқылы жасалған.

Тұжырымдама жобасы Достастық аясында ақпараттық қауіпсіздікті қамтамасыз етудің мемлекетаралық негізгі ынтымақтастық бағыттары, принциптері, мақсаттары мен міндеттерін айқындайды.
Кешенді жоспар жобасына ТМД аясында ақпараттық қауіпсіздікті қамтамасыз етуге қажетті құқықтық-нормативтік базаны қалыптастыру және дамытуға, ТМД-ға қатысушы елдердің Достастық аясында жүзеге асырып жатқан саясатын ақпараттық қолдауды пәрмендендіруге және алдағы уақытта Достастық шеңберінде ақпараттық саланы қорғаудың тиімді жүйесін құруға алғышарттар дайындауға бағытталған шараларды қамтиды.
Бұл жобалар ТМД-ға қатысушы елдер мен Достастықтың мүдделі мекемелерінде алдын-ала келісіліп, алынған ұсыныстар мен ескертпелер негізінде толықтырылған.