Биылғы 1 қарашада Монако Князьдігінің ҚР-дағы Төтенше және Өкілетті Елшісі Эвелин Жанта ханым өз қызметіне кірісті. Енді, міне, біз бүгін Монако Князьдігінің Құрметті консулы басқаратын консулдық мекеменің ашылу салтанатында отырмыз.
Бұл туралы бүгін ҚР-да Монако Князьдігінің Құрметті консулдығының ашылу салтанатында журналистерге сұхбат берген ҚР Сыртқы істер министрі Ерлан Ыдырысов айтты.
«Біздің Құрметті консулдарымыздың бизнес-форумдар мен мәдени шараларды ұйымдастырудағы үлкен еңбектерін атап өтсем деймін. Сондай-ақ, Монако Князьдігінің Құрметті консулдығы ҚР Сыртқы істер министрлігінің қолдауына толығымен арқа сүйеп, екіжақты жобаларды іске асыруға белсене атсалыса алатындығына сендіргім келеді», — деді министр.