Бұл туралы КТК арнасы хабарлайды.
Тіпті сөздері дәлелді болуы үшін олигархтың дастархан басында отырған суреттерін де салыпты. БТА банкінің бұрынғы басшысы 6 миллиард доллардан астам қаржы ұрлағаны үшін 2009 жылы істі болған. Содан бірнеше жыл бойы шетелде бой тасалап жүрген ол 2013 жылы Францияда ұсталды. Әблязовты Қазақстаннан бөлек Украина мен Ресей үкіметі өздеріне жер аударуды сұраған. Тіпті былтыр Франция премьер-министрі банкирді теріскейдегі көршімізге экстрадициялау туралы құжатқа қол қойған болатын. Алайда қалталы қашқынның апелляциялық шағымынан кейін Францияның мемлекеттік кеңесі Әблязовты Ресейге беру туралы ойынан айнып қалыпты. Сондықтан бірнеше мемлекеттің аузын айға қаратып кеткен ол екі күн бұрын қайта бостандыққа шықты. Еліміздің Бас прокуратурасы Әбілязовтың түрмеден босатылуына байланысты әзірге ешқандай пікір білдірген жоқ.