Қазақ театрының қара шаңырағы көрермендерге Шахмет Хұсайынов атындағы облыстық қазақ музыкалық драма театрының сахнасында жеті қойылым ұсынбақ. Солардың қатарында Мұхтар Әуезовтың «Абай» трагедиясы, Исраил Сапарбайдың «Сыған серенадасы» мюзиклы, Ғабит Мүсіреповтың «Махаббат дастаны» трагедиясы, Дулат Исабековтың «Актриса» драмасы көпшілікке бұрыннан таныс болғанымен, жаңаша сипатта. Сахна төрінде басты рольдерді Қазақстанның театр және кино жұлдыздары Қымбат Тілеуова, Айдос Бектемір, Рашида Хаджиева, Бақтияр Қожа, Бекжан Тұрыс және басқалары сомдамақ. Театр директоры әрі көркемдік жетекшісі, Қазақстан халық әртісі, профессор Есмұхан Обаевтың айтуынша, басты мақсат еліміз театр өнерінің алдыңғы қатары туындыларымен таныстыру, аймақтағы көрермендермен қауышу, пікірлесу, тың ізденістер қарастыру, сахна өнерін көпшілік арасында кеңінен насихаттау болып табылады.