Мұнай бағасы үш аптаның ішінде алғаш рет 118 доллар/баррельге дейін қымбаттады

Лондон биржасында Brent қоспасының бағасы 4,4 пайызға қымбаттап, үш аптаның ішінде алғаш рет 118 доллар/баррельден асты. Ал Нью-Йорк биржасында WTI мұнайының бағасы 2,1 пайызға қымбаттап, 98 доллар/баррельге дейін жетті, деп хабарлайды РБК агенттігі. Мұнай фьючерстерінің ресми бағасы маусым айының ортасынан бергі максимальды бағаға алғаш рет кеше жетті. Мұнай бағасының қымбаттауына энерготасымалдағыштарға деген сұраныстың өсу ықтималдығы туралы болжам себеп болып отыр, дейді сарапшылар. Ал сұраныстың артуына өз кезегінде, АҚШ-тың еңбек нарығындағы ахуал мен елдегі шикі мұнайдың коммерциялық қорының қысқаруы себеп болуда.