Мұнай кенішіндегі тұрғын үй кешенінде өрт болды - Қызылорда облысы

Қызылорда облысындағы «ПетроҚазақстан Құмкөл Ресорсиз» АҚ-ның Арысқұм мұнай кеніші маңындағы тұрғын үй кешенінде өрт болды, деп Төтенше жағдайлар министрлігі хабарлады.

600 шаршы метрге жайылған өрт бес сағаттан кейін сөндірілді.

PetroKazakhstan баспасөз қызметі мәлімдегендей, тұрғын үй кешені «ПетроҚазақстан Құмкөл» АҚ мердігері болып табылатын «Шапағат» жөндеу-механикалық зауыты» ЖШС-ке тиесілі.
Түтіннен уланған деген күдікпен «Шапағат» зауытының 26 жұмысшысы дәрігерге жүгінген. Олар дәрігерлік тексеруден кейін амбулаторлық емдеуге жіберілді.