Намаз оқымаса да, жыл сайын ораза ұстайтындар арамызда баршылық. Біреулер: «Намаз оқымастан ұстаған оразаң қабыл емес», – деген пікір айтып жатады. Шын мәнінде бұл сөздің қисыны жоқ. «Намаз оқымаған адамның оразасы дұрыс емес» деген үкім шариғатта кездеспейді. Бұл жағдайда ораза ұстаған адамды ісінен қайтармай, керісінше намаз оқуға ынталандырған жөн. Өйткені намаз да, ораза да тиісті уақытында орындалуы міндетті болған құлшылықтар. Қалай болғанда да, Қиямет күні пенденің бұл дүниеде орындаған әрбір құлшылығы үшін берілетін сауаппен қатар, орындамағаны үшін берілетін тиісті жазасы да барын ұмытпаңыз.