Жарияланды: 510

НАТО Ливиядағы әскери миссияны тағы үш айға ұзартты

Солтүстiк-атлантика одағы Ливиядағы әскери операцияны 90 күнге, яғни 2011 жылдың қыркүйегінің соңына дейін ұзартуға шешім қабылдады,

деп хабарлайды РБК. «Бұл шешім Муаммар Каддафи режиміне нақты белгі болмақ: біз Ливия халқын қорғау жолындағы миссиямызды жалғастыруға бел буып отырмыз», - делінеді одақ баспасөз қызметі жариялаған НАТО бас хатшысы Андерс Фог Расмуссеннің мәлімдемесінде. Өткен миссия іс-қимылының мерзімі үш айға - 2011 жылдың 31 наурызынан 30 маусымына дейін белгіленген еді. НАТО 2011 жылдың 31 наурызында Ливиядағы әскери операцияға басшылықты ресми түрде өз мойнына алды. Ливияда «Біріккен қорғаушы» (Unified Protector ) операциясын өткізу және азаматтық халықты М.Каддафи режимінен құтқару жұмыстарын 90 күн жүргізуді одақ мүшелері мақұлдады.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть