Наурыз айында Қазақстанда шаңғы тебуден әлем чемпионаты өтеді

Наурыздың 4-і мен 10-ы аралығында Шығыс Қазақстан облысында шаңғымен бағдарлау жарыстары бойынша әлем чемпионаты өтеді. Бұл туралы бейсенбі күні «Штаттық ұлттық құрамалар мен спорттық резерв дирекциясының» баспасөз қызметінен хабарлады.

Мәліметке сүйенсек, әлем біріншілігіне 20-дан астам елдің спортшылары қатыспақ.

«Спорттың осы түрі 2017 жылы Алматыда Универсиада өткізу бағдарламасына енгізіледі деп жоспарланып отыр», — делінген хабарламада.