Жарияланды: 360

Назарбаев ИКҰ мемлекеттерін энергетика саласында бірлесе қимылдауға шақырды

Президент Нұрсұлтан Назарбаев Ислам конференциясы ұйымына мүше мемлекеттерге энергетика саласындағы инвестициялық-технологиялық ынтымақтастықтың бірлескен іс жоспарын әзірлеуді ұсынды.

«Ислам әлемі шикізат векторынан индустриалды-инновациялық дамуға көшуі қажет. ИКҰ елдеріне энергетика саласында инвестициялық-технологиялық ынтымақтастықтың бірлескен іс-жоспарын әзірлеп, халықаралық инновация орталығын құруды ұсынамын», - деді ол Ұйымның сейсенбі күні Астанада өтіп жатқан 38-ші сессиясында. Н.Назарбаевтың айтуынша, энергетика саласына ауқымды инвестиция қажет, бұл қазіргі «өмірден туған қажеттілік». «Халықаралық энергетика агенттігінің бағамдауынша, 2030 жылға дейін энергия көздерін өндіріп, тасымалдауға 17 трлн доллар шығындауға тура келеді», - деп қосты ол.

Пікір қалдырыңыз

Пікір қалдыру тіркелген пайдаланушылар ғана мүмкін