Назарбаев пен Кәрімов екі жақты және аймақтық ынтымақтастыққа қатысты мәселелерді талқылады

Мемлекет басшылары халықаралық лаңкестік пен діни экстремизммен күрестің барлық бағыттары бойынша іс-қызметті үйлестіру үшін екі елдің құқық қорғау мекемелері жетекшілерінің кездесуі мен келіссөздерін өткізуге уағдаласты.

Президенттер «су тауқыметін де» сарапқа салды. И.Кәрімов Өзбек жағының Шардара су қоймасынан Арнасай ойпатына су жіберуге әзір екенін тағы бір дәлелдеді. Қазақстанынң оңтүстік өңірлерін су басып кету қаупінің алдын алу үшін көптеген өзбек отбасыларын елдің ішіне қарай көшіру қиындығы туындағанына қарамастан біз дайынбыз деді ол. Н.Назарбаев Өзбек әріптесіне ризашылық білдірді.
Бұған қоса президенттер өзара сауда-экономикалық ынтымақтастық аясын кеңейте түсуге келісті.
Телефон арқылы өрбіген сұхбат барысында И.Кәрімов кейбір бұқаралық ақпарат құралдары таратқан «Өзбекстан СІМ Қазақстан президентінің бастамаларын негізсіз деп атады» деген хабарламаға Өзбекстан сыртқы істер министрлігінің қатысы жоқ деп мәлімдеді.
Баспасөз қызметінің хабарлауынша, «дәстүрлі телефон арқылы сұхбат достық және өзара түсіністік жағдайыднда өтті».