AIBA-ның интернет сайтындағы мәліметтерге қарағанда, онда 48 келіге дейінгі салмақтағы қазақстандық Назым Қызайбай жарыс қожайыны Шики Худы 17:10 (2:2, 4:2, 5:3, 6:3) есебімен ұтып, ақтық финалға шықты. Ол ертең енді филиппиндік Жосие Габуканы 12:7 (0:2, 4:2, 4:1, 4:2) есебімен ұтқан ресейлік Светлана Гневановамен Әлем чемпионы атағы үшін жекпе-жек өткізеді.
Ал 81 келіде жоғары салмақта өнер көрсететін Жұлдыз Маматқұлова бүгін кешке 2010 жылғы Әлем чемпионатының қола жүлдегері үндістандық Кавитамен кездеседі. Егер бұл сында мерейі үстем шықса ертең қытайлық Иунфей Ли мен ресейлік Ирина Синетская жұбының жеңімпазымен ақтық финалда қолғап түйістіреді.
