Продюсер бұл туралы «Көреміз» бағдарламасына берген сұхбатында айтты, деп хабарлайды Caravan.kz медиа порталы.
Алагөзова ешкімнен ештеңе жасырмайтынын атап өтті.
«Не себепті жасырамын, барлық бағаларды бәрі біледі. Оның бәрін қазір біліп алуға болады. Аналардың жалақысы 250-350 мыңның аралығын құрайды. Бірінші ана маған 250 мың теңге деген жалақыны сұрады, екіншісі 350 мың теңге деді. Ок, жақсы дедім. Келесі кезең, сен бірден белгілі біо соманы төлейсің, оны бірден бала туған күннен бастап істейсің. Яғни, ол босанады, сен сол күні оған гонорар төлеуің тиіс. Айтпақшы, бізде ең төмен баға, мұндай үлкен іс үшін, өте арзан баға, сол себепті көптеген шетелдіктер бізге келеді. Бірінші ана 6,5 млн теңге сұраса, екіншісі 7,5 млн теңге сұрады. Меніңше бұл өте арзан сома. Бірақ мен одан көп ақша төледім», — деді Баян Алагөзова.