Финдік танымал ұйым өзінің фрацуздық бәсекелесі Alcatel-Lucent компаниясымен бірігу туралы келіссөздер жүргізуде. Бірлесу арқылы олар Еуропа нарығында жылдық айналымы 25 миллиард еуро құрайтын телекоммуникация жабдықтарын өндіруші алып компанияға айналмақ.
Мамандардың айтуынша, Alcatel-Lucent компаниясының акциялары Париж биржасында 12%-ға артқан. Ал Nokia қағаздары керісінше, Хельсинкіде 7%-ға арзандаған. Қазір екі компания да бұл саладағы әлсіз ойыншылар болып саналады.
2006 жылы құрылған Alcatel-Lucent үнемі қаржылай қиындықтармен арпалысып келсе, 1990 жылдары ұялы телефондарды өндіруде көш бастаған Nokia жаңа трендке ілесе алмай, смартфондар жасау кәсібін Microsoft корпорациясына сатуға мәжбүр болған еді.